UNESCO nia Relatóriu Monitorizasaun Edukasaun Globál hatudu katak labarik sira ne’ebé hanorin iha sira-nia lian materna iha posibilidade boot liu atu dezenvolve abilidade alfabetizasaun. Maibé, liu 40% hosi ema sira iha mundu tomak la asesu ba edukasaun iha lian ne’ebé sira komprende.

Hanesan resposta, ami-nia komunidade ho Many Hands International (MHI) produz ona livru ba labarik liu 20 iha Timor-Leste nia lian-inan sira iha dékada ikus ne’e, ho livru sira-ne’e balu disponivel online. 

Parseiru no doadór sira inklui Friends of Lospalos, Fundasaun Alola, Governu Austrália, Departamentu Negósiu Estranjeiru no Komérsiu no filantropu Kim Dunphy no John Toumbourou.

Livru sira tuirmai disponivel ho livre no nakloke ba públiku ho intensaun atu promove alfabetizasaun iha Lospalos no Lautém liuhusi fornesimentu livru lian-inan ne’ebé relevante iha nivel lokál. Dezenvolvimentu ba istória ida-idak lidera husi Holly Schauble, fundadora husi Many Hands International, ho estudante lokál sira kria ilustrasaun sira ba livru ida-idak, orientadu husi artista lokál Cesário Laurdes.